युगंधर पब्लिकेशन हाऊस, महाराष्ट्र साहित्य परिषद शाखा (चाकण) आणि जय भोले अमरनाथ सेवा संघ वाघजाईमाता देवस्थान ट्रस्ट यांच्या संयुक्त विद्यमानाने कवी  ज्ञानेश्वर शांताबाई नारायण शिळवणे यांच्या ज्ञानेश्वरी काव्यार्थ ग्रंथाचे  विविध मान्यवरांच्या उपस्थितीत  प्रकाशन*

*युगंधर पब्लिकेशन हाऊस, महाराष्ट्र साहित्य परिषद शाखा (चाकण) आणि जय भोले अमरनाथ सेवा संघ वाघजाईमाता देवस्थान ट्रस्ट यांच्या संयुक्त विद्यमानाने कवी  ज्ञानेश्वर शांताबाई नारायण शिळवणे यांच्या ज्ञानेश्वरी काव्यार्थ ग्रंथाचे  विविध मान्यवरांच्या उपस्थितीत  प्रकाशन*

पुणे -युगंधर पब्लिकेशन हाऊस, महाराष्ट्र साहित्य परिषद शाखा (चाकण) आणि जय भोले अमरनाथ सेवा संघ वाघजाईमाता देवस्थान ट्रस्ट यांच्या संयुक्त विद्यमानाने  चाकण मधील वाघजाईनगर येथे संत ज्ञानेश्वर माऊली जीवनचरित्र कथायज्ञाचे आयोजन करण्यात आले होते. चार दिवसीय सोहोळ्यात कथाकार सद्‌गुरु ह.भ.प. शंकर महाराज शेवाळे यांचा ज्ञानेश्वर भक्ती कथनाचा कार्यक्रम आयोजित करण्यात आला होता. याच सोहोळ्यात कवी  ज्ञानेश्वर शांताबाई नारायण शिळवणे यांच्या  ज्ञानेश्वरी काव्यार्थ ग्रंथाचे  प्रकाशन महाराष्ट्र साहित्य परिषदेचे अध्यक्ष राजन लाखे यांच्या हस्ते करण्यात आले. या वेळी जुन्नर विधानसभेचेआमदार शरद सोनवणे, खेड आळंदी विधानसभेचे  आमदार बाबाजी काळे,विठ्ठल रुक्मिणी ट्रस्ट श्री क्षेत्र भंडारा डोंगरचे अध्यक्ष बाळासाहेब काशिद,शिवसेना उबाठा गटाचे उपतालुकाप्रमुख  रामदास धनवटे, , प्राध्यापिका व कवियत्री शालिनी सहारे, तात्याकाहेब कड, पुणे जिल्हा ग्रंथालय संघाचे उपाध्यक्ष हनुमंत देवकर आदी मान्यवर उपस्थित होते.

कवी  ज्ञानेश्वर शांताबाई नारायण शिळवणे यांनी सर्व सामान्य लोकांना ज्ञानेश्वरी समजावी या साठी ज्ञानेश्वरी ग्रंथातील ९०३४ ओव्यांचा अर्थ काव्यरूपात  गुंफून १२८४ कविता ग्रंथ स्वरूपात आणल्या. तब्बल ९ वर्षे माऊलींवरची निस्सीम भक्ती,  ज्ञानेश्वरीचा दांडगा अभ्यास आणि  साधना या मुळेच हे शक्य झाल्याची भावना या वेळी शिळवणे यांनी व्यक्त केली. या वेळी  संगीतकार निहार शेंबेकर यांनी संगीतबद्ध केलेल्या आणि स्वतः गायलेल्या कवी शिळवणे लिखित पसायदानाच्या अर्थावरील सुरेल गीता चे लॉन्चिंग  यावेळी करण्यात आले. कार्यक्रमाचे  सूत्रसंचालन आदेश टोपे यांनी केले.